اگر آپ یہ جاننا چاہتے ہیں کہ ایک دماغ پڑھنے کا ماہر آپ کے ذہن میں جو کچھ چل رہا ہو، کیسے بتا دیتا ہے، تو یہ کتاب آپ کے لئے ہے۔
کتاب کا نام: دوسروں کا ذہن پڑھنا سیکھیں! (The Art of Reading Minds)
مصنف: ہینرک فیکسیس
صفحات: 272
کتاب کا تعارف:
ہینرک فیکسیس کی کتاب "دوسروں کا ذہن پڑھنا سیکھیں!" انسانی طرزِ عمل اور نفسیات کی پیچیدہ باریکیوں پر روشنی ڈالتی ہے، جو دوسروں کے خیالات و جذبات کو سمجھنے اور ان کی تشریح کرنے کے فن میں مہارت بخشتی ہے۔ مصنف اپنے قارئین کو عملی تکنیکوں اور حکمتِ عملیوں کی تلاش کے سفر پر لے کر نکلتا ہے اور یہ سفر قارئین کو اُن کے معاشرتی اثر و رسوخ بڑھانے ، جذبات کو سمجھ کر ان سے نمٹنے کے فن کو بہتر بنانے اور انسانی رویوں کی تشریح کر کے لاشعوری اشاروں کو سمجھنے کی گہری سمجھ دیتا ہے۔ دلچسپ داستانوں اور عملی مشقوں کے ذریعے یہ کتاب باڈی لینگوئج کے رازوں کو کھولتی ہے، اور اسے سمجھ کر دوسروں پر لاشعوری طور پر اثرانداز ہونے کی تکنیکوں سے بھری پڑی ہے۔ المختصر یہ کتاب قاری کا ہاتھ پکڑ کر اسے ذہن پڑھنے کے دلچسپ سفر پر لے کر نکلتی ہے اور اسے منزل تک پہنچا دیتی ہے